Ginkoronahan ang pambato sang Barangay Milibili nga si Francheska Joy Bellosillo bilang Mutya sang Roxas City 2025 nga ginapatigayon sa Civic Center sa syudad sang Roxas.
Nakuha man ni Charlotte Valgomera sang Barangay Culasi ang titulo nga Mutya sang Roxas City SFI, kag si Geraldine Cartujano sang Barangay Dayao ang ginpili nga Mutya sang Roxas City Tourism.
Ginpasidunggan man si Andrea Mae Tengco sang Barangay Barra bilang First Runner-Up / Ms. Adventure Axis.
Samtang si Mariel Raiza Herrera sang Barangay Dumolog ang Second Runner-Up.
Sa coronation night, 16 ka mga kandidata ang nagpaindis-indis sang ila nga suksuk nga two-piece sa swimsuit round kag nagpasundayag sang ila suksuk nga gown nga gindesenyo sang pila ka mga designer.
Sa nasambit nga competition, nagpangibabaw si Francheska sa 16 ka mga kandidata kag nakuha ang titulo nga Mutya sang Roxas City 2025.
Madamo naman nga pumuluyo ang nagtambong kag nagpakita sang suporta sa 16 ka mga kandidata sa mga nagkalain-lain nga barangay sa syudad sang Roxas, nga naghatag sang kasadya kadungan sa pagselebrar sang Sinadya Festival 2025.
