Ginkoronahan ang pambato sang La Union nga si Bea Millan-Windorski bilang bag-o nga Miss Universe Philippines 2026.
Nagpangibabaw ang La Union beauty queen sa 50 ka mga contestants sa coronation night nga ginhiwat sa MOA Arena sa syudad sang Pasay.
Gindayaw sang mga judges ang sabat sini sa questions and answer portion kun sa diin ang pamangkot diri ang nahanungod sa madamo nga mga Pinoy nga dismayado sa pungsod gani may balor pa bala ang pagrepresentar sini sa international competitions.
Ginpahayag sini nga nagpauli siya sa Pilipinas bangud madamo sang potential skills ang mga Pilipino.
Kalakip sa mga finalist amo sanday Apriel Smith sang Cebu City, Marian Arellano sang Tarlac, Bella Ysmael sang Taguig, Nicole Borromeo sang Cebu Province, Allyson Hetland sang Pampanga, kag Jenrose Javier sang Sultan Kudarat.
Siya man ang magabulos kay Ahtisa Manalo kag mangin crown jewel sang pungsod sa 50th Miss Universe nga pagahiwaton sa Puerto Rico.
