-- ADVERTISEMENT --
Nag-withdraw na sa Binibining Pilipinas 2026 si Ivy Reyes Padilla nga natalana kuntani nga magarepresentar sa probinsya sang Misamis Oriental.
Sa statement sang Binibining Pilipinas Organization, ginpahayag sini nga indi na makapadayon sa partisipasyon si Ivy bangud sa personal nga rason.
Ginarespeto man kag ginasuportahan sang organisasyon ang iya desisyon.
Ginpangabay man nila ang publiko nga magpakita sang paghangop kag pagtahod sa desisyon ni Ivy.
Bangud sa iya pag-withdraw, 35 nalang ka mga kandidata ang magapaindis-indis para sa korona sang Binibining Pilipinas 2026.
Ang National Costume Competition ang hiwaton sa Hulyo 2, samtang ang Coronation Night ang hiwaton sa Hulyo 18.
