Ginkoronahan bilang 4th-Runner ang pambato sang Pilipinas nga si Myrna Esguerra sa ginhiwat nga Miss International 2025 Competition sa Tokyo, Japan
Si Catalina Duque Abréu sang Colombia ang ginkoronahan bilang Miss International 2025.
Samtang 3rd runner-up naman si Melliza Xaviera Yulian sang Indonesia, 2nd runner up naman si Paola Guzmán sang Bolivia kag si Yollanda Chimbarami sang Zimbabwe amo ang 1st runner up.
Sa coronation night, agaw atensyon si Myrna sa iya suksok nga blue one-piece swimsuit sa swimsuit portion kag sa evening gown competition suksuk sini ang off-white nga gown nga ginhimo sang designer nga si Mak Tumang nga ginhingadlan “Orienta Rosa.”
Ginpakigbahin ni Myrna sa Instagram post nga ang inspirasyon para sa gown ang naghalin sa cherry blossoms nga makita sa Palawan.
Ginpabugal man ni Myrna ang kultura kag katahum sang Pilipinas samtang nagapaindis-indis ini sa international stage.
Nahibaluan nga ang Miss International isa sa mga kilala nga “Big Four” international beauty pageant, upod ang Miss Universe, Miss World kag Miss Earth.
