Nagtakop sa Top 6 ang pambato sang Pilipinas nga si Red Spiegelman sa Miss International Queen 2026 nga ginhiwat sa Pattaya, Thailand.
Sa pihak sini, madinalag-on sa gihapon nga ginpataas ni Spiegelman ang bandera sang pungsod matapos malakip sa Top 6 sang prestihiyoso nga international pageant para sa mga transgender women.
Ginpakita ni Red ang iya abilidad sa nagkalainlain nga bahin sang kompetisyon, lakip ang swimsuit, evening gown kag question-and-answer segment, nga naghatag sa iya sang isa ka lugar sa tunga sang mga semifinalists kag finalists.
Apisar nga wala niya nakuha sang korona, nakatipon ini sang suporta kag pagpanginbulahan gikan sa mga Pinoy bangud sa iya maayo nga performance sa kompetisyon.
Samtang, si Lo Colby naman sang USA ang ginkoronahan sang Miss International Queen 2026
Ang Miss International Queen isa sa pinakadaku nga international pageant para sa mga transgender women kag ginatambungan kada tuig sang mga kandidata gikan sa nagkalainlain nga bahin sang kalibutan.
