Nagtapos sa Top 20 ang tiglawas sang Pilipinas nga si Felipe Marasigan sa Mister Supranational 2026 nga ginhiwat sa Poland.
Si Pedro Cordero sang Spain ang nagdaug sang korona, samtang si Marcel Roux sang South Africa ang first runner-up.
Ini na ang ikaduha nga Mister Supranational nga korona sang Espanya matapos nga nagdaug si Ivan Alvarez Guedes sang 2023.
Sa kasaysayan sang kompetisyon, wala pa sang Pilipino nga nangin Mister Supranational.
Ang pinakamataas nga placement nga naangkon sang Pilipinas sa nasambit nga male pageant amo ang second runner-up, nga nakuha ni Brandon Espiritu sang 2024.
Apisar nga wala niya nakuha ang korona, nagpasalamat naman si Felipe sa iya pamilya kag sa mga Pinoy nga nagsuporta sa iya sa nasambit nga kompetisyon.
