Preparado na ang pambato sang Pilipinas sa 17th Paris Paralympic Games.
Magapasakop ang tanan nga anom nga para-athletes kag apat nga coaches sa opening ceremony nga pagahiwaton sa Place de la Concorde to Champs-Élysées in Paris, France alas-2:00 sang kaagahon buwas nga adlaw, Agosto 29.
Ang mga pambato sang pungsod ang ginakalakipan nanday para-swimmer Ernie Gawilan kag para-archer Agustina Bantiloc mga teammates sini nga sanday Jerrold Mangliwan, Cendy Asusano, Angel Mae Otom kag Allain Ganapin.
Kaupod nila ang mga coaches nga sanday coaches Gershon Bautista sang Taekwondo, Jonathan Josol sang track and field, Berson Buen sa archery kag Brian Ong sang swimming.
Ginpahayag ni Paris 2024 president Tony Estanguet nga agud mahatagan sang pagkilala ang mga para athletes, ginhiwat sa outdoor ang opening.
Nagalaum si Philippine Paralympic Committee president Mike Barredo nga magmadinalag-on ang mga atleta bangud sa pursigido ang mga ini sa kada sporting events nga ila ginpasakupan.
