ROXAS CITY – Aminado ang program head for psychology sang Colegio dela Purisima Concepcion, registered psychometrician kag mental health first responder nga makaalarma na sa karon ang nagakahinabo nga suicide incidents sa probinsiya sang Capiz.
Ginpahayag ni Caressa Lynn Siglos nga madamo sang mga factors nga nagapanginmatay ang isa ka tawo.
Apang masami ginakunsidera sang kadam-an ang depresyon nga isa sa mga nagatulod sa tawo para utason ang kaugalingon nga kabuhi.
Gin-athag man sini nga ang depression ang isa ka sahi sang mental health condition nga sarang pa mabulong, pinaagi sa pagkunsulta sa psychologist ukon psychiatrist.
Kalakip sa mga factors nga mahibaluan nga nagasuprer sang depresyon ang isa ka indibidwal amo ang sad mood, pagkadula sang gana sa sadto ginakahiligan, paglain sang pattern sa pagkaon ukon pagtulog, kapaslawan nga maka-concentrate sa trabaho ukon daily activities.
Suno pa kay Siglos nga sa kaso sang isa ka depressed person dapat man ini nga bantayan, labi na kun pamatyagan sini, wala na ini sang pulos sa kalibutan.
Apang daku ang mabulig sang ginikanan sa mga kabataan nga nagasuprer sang depresyon, sa diin kinahanglan lamang nga estoryahon sila kag ipabatyag sa ila ang pagpalangga kag suporta.
