Dismayado ang tag-iya sang duta sa Barangay New Guia, Maayon sa nagakahinabo nga problema nila sa duta kag sang mga mangunguma.
Sa interview sang Bombo Radyo kay Mr. Eddie Dinglasan, nga sang una pa sang mga ini ginpaabot sa DAR ang nasambit nga concern, apang wala sang aksyon nga ginhimu ang nasambit nga ahensya.
Suno pa kay Dinglasan nga matapus nila nga napasurvey ang duta kag nagguwa nga sila ang nagapanag-iya sang duta nga ginkultibar sang mga CLOA beneficiary, ginhambalan na sila nga indi na magtanom sa ila duta.
Apang, wala sila nagpati kag wala man may ginhimo ang opisina sang DAR.
Samtang, ginmanduan naman sini ang mga gwardya nga indi magbuhat sang makahas nga tikang sa mga mangunguma, kag magaserbe lang ang mga ini nga bantay kag ipaagi ang tanan sa maayo nga pag istoryahanay.
