ROXAS CITY – Nagtan-ay na sang P50,000 nga reward money ang pamilya Duron sa kun sin-o ang makakita kag makatudlo sa posible nahamtangan ni Barangay Kagawad Alberto Duron bangud nagapabilin ini nga missing matapos ang pagkaubon sang duwa ka motobanca sa Brgy. Pob. Ilawod sa banwa sang Panitan sadtong kasagkasagan sang pagbaha tuga sang bagyong Agaton.
Nahibaluan nga gin-post naman ini sang pamilya sa ila tagsa ka social media account agud madamo ang malab-utan sa sini nga panawagan.
Nagalaom ang nasambit nga pamilya nga makita pa nila ang ila himata nga sa karun nagapabilin sa gihapon nga missing.
Mahimo man nga magpakig-angot sa Panitan MDRRMO kag Panitan PNP ang makasapo ukon may yara sang impormasyon sa nahamtangan sang nasambit nga kagawad.
