Luyag sang pamilya Duterte nga mapatay sa Pilipinas si former President Rodrigo Duterte kun kuhaon ang iya kabuhi antes matapos ang iya trial sa International Criminal Court.
Sa interview sa The Hague, ginpahayag ni Sara Duterte nga gin-istoryahan nila sang anay presidente ang posibilidad nga mapatay ini samtang yara sa ICC detention facility.
Ginsiling sini nga may ginbilin man nga testamento ang iya amay kon matabo ini.
Suno kay VP Sara, mas gusto sang ila pamilya nga magbalik sa Pilipinas ang anay presidente agud diri na lang suliton ang iya nabilin nga mga inadlaw, bangud man sa iya katigulangon kag chronic skin disease.
Ginhingyo man sang bise presidente sa ICC nga padasigon ang trial batok sa iya amay nga nagapangatubang sang tatlo ka kaso nga crimes against humanity may kaangtanan sa gin-alegar war on drugs sang iya administrasyon.
