Pamilya sang ginatudlo illegal recruiter magapakigsapol sa gobernador

ROXAS CITY – Magapakigsapol ang gobernador sa pamilya sang ginatudlo illegal recruiter nga nagpanunto sa kapin 263 ka mga indibidwal pinaagi sa pagpromesa sa ila sang trabaho sa South Korea kabaylo sang P73,700 nga kantidad.

Ginpahayag ni Governor Esteban Evan Contreras II nga nagpakig-angut sa iya ang isa ka opisyal nga malapit sa pamilya ni Ramilyn Andrade sang Barangay Bolo, Roxas City kag ginpalab-ot ang kagustuhan sang natungdan nga personal ini nga ma-estorya angut sa kontrobersiya nga gindalahigan sini.

Ginpasalamatan man sang gobernador ang nangin kooperasyon sang pamilya Andrade sa diin luyag man sini nga mabatian ang bahin sang ginatudlo illegal recruiter.