Desidido ang isa ka pamilya sa Barangay Cagay, Roxas City, nga magpasaka sang kaso batok sa lalaki nga gina-alegar nga nagsulod sa ila panimalay kag nagtaban sang isa ka cellphone.
Sa interview sang Bombo Radyo Roxas kay Barangay Kagawad Isidro Aragon, iya ginpahayag nga nakit-an sa CCTV footage ang lalaki nga nagsulod sa panimalay kag nakita man nga bitbit sini ang cellphone .
Suno kay Aragon, nagkadto na sa Barangay Hall ang pamilya agud ipahayag ang ila desisyon nga magpasaka sang kaso batok sa amo nga lalaki sa labing madali nga tion.
Ginpahayag man sini nga may yara na sila sang person of interest sa nasambit nga lalaki kag may yara na ini sang mga rekord sa barangay may kaangtanan pagpangawat.
Nagpanawagan naman natungdan sa publiko nga maghalong kag gilayon magreport sa barangay ukon kapulisan kon may makakita nga kahina-hinala nga mga persona.
