Ginlaragway sang pamilya sang manunudlo nga ginluthang-patay sang wala pa makilan-an nga suspek nga isa ini ka maayo kag mabinuligon nga maestra sa Sitio Burwang, Barangay Linambasan, Jamindan, Capiz.
Ang biktima amo si alyas Jo-Ann, 44-anyos, residente sang nasambit nga lugar kag isa ka manunudlo.
Sa interview sang Bombo Radyo kay Norma Fernando, tiya sang maestra, iya ginpahayag nga wala siya sang may masaway sa batasan sang iya hinablos bangud nga wala man ini siya sang may naobserbaran nga malain diri.
Suno kay Fernando, wala niya gid ginalauman nga amo ini ang matabo sa diin nga tuman niya gid ginkasubo ang pagtaliwan sang amo nga maestra.
Ginatugyan nalang sini sa Diyos ang amo nga hitabo kag kun ano nga konsekwensya ang mahimo nga ihatag sa suspek nga nagpatay sa iya hinablos.
Interviewed by Bombo Sunnie Mae Constantino Batencila | via Bombohanay sa Udto
