Ginatun-an sang pamilya sang mga biktima kun magpasaka sang kaso batok sa suspek nga naka hit and run sa mga ini.
Ang driver amo si alyas “Alvin”, 40-anyos kag residente sang Barangay Cabugao Este, Panay, Capiz.
Samtang ang mga biktima amo sanday alyas “Cristian” kag alyas “Jessa” nga lunsay sakay sang food cart kag residente sang Barangay Mongpong, Roxas City.
Sa interview sang Bombo Radyo kay Raoul Maquimot, tiyo sang mga biktima, iya ginpahayag nga masakit para sa ila ang ginhimo nga pagpalagyo sang suspek sa iya sini nga mga himata.
Suno kay Maquimot, naka-angkon sang nagakalain-lain nga pilas sa lawas ang mga biktima nga nagapabilin sa ospital.
Daku man ang pagpasalamat sang natungdan nga natigayon nga nadakpan ang suspek sa amo nga insidente.
