Nagapanawagan ang asawa sang motorcycle driver nga aksidente bumunggo sa kasugata nga pick-up takna 5:00 kahapon, Pebrero sa Barangay Nagba, Cuartero, Capiz sang bulig pinansyal agud mapabulong ang iya bana nga yara sa karon sa kritikal nga kondisyon.
Sandig sa post ni Jorelyn Castillon, asawa sang biktima nga si Eddie Alvarez, naka-admit sa karon ang iya bana sa Roxas Memorial Provincial Hospital (RMPH) matapos nag-angkon sang pilas sa magkatuhay nga parte sang lawas tuga sang nagluntad nga disgrasya.
Suno diri, bali ang na-wala nga tiil ni Eddie samtang nagka-damage naman ang na-tuo nga tiil.
Dugang pa ni Jorelyn, nga wala gid sila sang kwarta nga ihulag para sa pagpabulong sang iya bana ilabi na nga may anak ini nga walo pa lang kabulan.
Nagapangayo sang bulig kag pangamuyo ang pamilya nga malampuwasan ni Eddie ang peligro.
Sa luyag magbulig mahimo makig-angut sa numero nga 09385233691.
