ROXAS CITY – Nagakalisod ang pamilya sangGrade 10 student nga napatay matapos ginbuntog sang hinuptan nga cobra sa sulod sang ila balay sa Barangay Bago, Roxas City.
Tobtob sa karon indi pa mabaton ni Manang Grace, iloy sang 16-anyos nga solterito ang pagkamatay sang anak, bangud madamo pa ini sang handum sa kabuhi.
Suno sa iloy sang biktima nga wala nagsulod sa iya pinsar nga ang hinuptan pa nga cobra sang anak ang magapatay kay Ryan.
Matandaan nga ginkakibot sang ginang sang makita nga nagapalanggit-um na ang anak sa iya ginatulugan sa sala rason nga gilayon gindala sa ospital apang gindeklara nga dead on arrival.
Nahibaluan na lamang sang pamilya nga ginbuntog sang cobra ang biktima sang makita sa cellphone ang pila ka mga laragway sang iya pilas sa diin sang ila tsekyaron nakita ang apat ka marka sa kamot nga kagat sang man–og.
