Nagsabat ang pamunuan sang Capiz National High School matapos magguwa ang mga reklamo sang pila ka ginikanan kag estudyante may kaangtanan sa ginakolekta nga mga balayran ukon alamutan sa pagsugod sang bag-ong tuig eskwelahan.
(BEGAS)
Sa interview sang Bombo Radyo kay Charlie Begas, School Principal IV sang Capiz National High School, iya ginpahayag nga wala sang mandatory nga koleksyon sa mga estudyante kag ginikanan.
(SCHOOL)
Suno kay Begas, ang kontribusyon para sa mga organisasyon, proyekto ukon aktibidad sang eskwelahan ang boluntaryo sandig sa polisa sang Department of Education (DepEd).
Pahayag pa niya, bukas sila sa mga pamangkot kag handa nga maghatag sang klaro nga impormasyon kag breakdown sang mga kinahanglanon nga bayran kun may yara.
Nagpasalig naman ang pamunuan sang Capiz National High School nga padayon nila nga pamatian ang mga kabalaka sang mga ginikanan kag estudyante agud mapadayon ang maayo nga relasyon kag pagsalig sa komunidad sang eskwelahan.
