Nakigsinapol ang pamunuan sang Capiz State University sa Disaster Risk Reduction and Management Council sang kada campus para sa kahandaan sa mga kalamidad.
Sa interview sang Bombo Radyo kay Dr. Efren Linan, President sang Capiz State University, iya ginpahayag lakip sa mga nagtambong ang mga Campus Administrators, Satellite Colleges Directors kag
Disaster Risk Reduction and Management Coordinators.
Suno kay Dr. Linan, magatukod sila sang technical protocol agud nga madasig ang pagpadala sang mga impormasyon sa tion sang emerhensya kag kun mabudlay gid malab-ot bangud sang indi maayo nga signal, may yara sang two-way radio nga pagagamiton.
Pahayag pa niya, bangud man sa suspension sang klase, nagpatigayon sang asynchronous kag synchronous mode of classes ang mga campuses nga nakaapekto sa gintalana nga school calendar, tungod sina may yara naman sang iga-suhestyon nga make-up classes agud nga makalagas sa mga adlaw nga ginsuspend bangud sang mga kalamidad.
Dugang pa niya, bukas man ang talatapan sa pagbulig sa mga local government units nga mangin evacuation center ang pila ka campuses sa oras nga kinahanglanon.
Nagapanawagan man ang natungdan nga padayon nga mangin alerto kag kag magpreparar bangud sa indi mapaktan nga lakat sang panyempo.
Interviewed by: Bombo Francis Biñas via Zona Libre
