ROXAS CITY – Naghatag sang panugyan ang pamunuan sang Roxas City PNP, may kaangtanan sa nagalapta nga mga text scams online.
Sa interview sang Bombo Radyo kay PCMsgt. Ramil Arcangeles tagpamaba sang Roxas City PNP, ginpahayag sini nga kinahanglanon mangin aligmat kag mausisa nga indibidwal ilabi na kun may mga mensahe nga nababaton nagikan sa indi kilala nga mga persona.
Suno diri, pananglitan nga makabaton sang mga mensahe kinahanglan nga paminsaron kun may mga gin-intrahan nga raffle kag kun may yara tsekyaron ang mensahe kun bala related diri, indi basta-basta mag-entertain online ilabi na kun indi ini kakilala, kun may mga pamilya nga nagatrabaho sa malayo indi gilayon magpati sa impormasyon nga ginapahayag na-aksidente ang mga ini sa baylo tawagan ang kompanya ukon ahensya agud berepikahon kun ini matuod ukon indi kag indi basta-basta pag-i-click ang mga link nga nababaton bangud posible makuha ang mga personal nga impormasyon.
Panugayan sini nga indi magpaniplang sa mga tinaga nga ginahaboy sang mga scammers.
