Nagpatigayon sang pagsinapol si Panay, Capiz Mayor Jonthan “Sonny” Besa, kaupod ang mga manugpangisda sa banwa agud mahatagan sang ihibalo kun ano ang insakto nga pagpangisda.
Ini kasunod sang pagkadakop sang pito ka mga sakayan nga nagahiwat sang illegal fishing sa diin 16 ka mga HPS diesel engines kag mga fishing nets nga may accessories ang natigayon nga makumpiska.
Sa interview sang Bombo Radyo kay Mayor Besa, iya ginpahayag nga may ara na nga handa magpatrolya sa Panay Municipal Sea Water agud matigayon ang insakto nga pagbantay batok sa illegal fishing.
Suno sa alkalde, padayon ang koordinasyon sang Municipal Environment and Natural Resources Office (MENRO) agud masiguro nga wala sang makalusot nga magalapas sa ordinansa.
Pinaagi sa pagsunod sang ordinansa nga ginapatuman angot sa illegal nga pagpangisda, masiguro nga mapabilin nga bastante nga isda para sa masunod nga henerasyon.
