Ginpakigbahin ni Panay, Capiz Mayor Jonathan “Sonny” Besa ang iya mga maayo nga handumanan sa pagserbisyo kag mga nahimo ni Pontevedra, Capiz Mayor Henry D. Tumlos sa iya pagpamuno sa banwa.
Sa interview sang Bombo Radyo kay Mayor Besa, iya ginpahayag ang pagrespeto sa mga kontribusyon ni Tumlos bilang isa ka opisyal sang lokal nga panguluhan kag ang paghatag sang importansya sa pagserbisyo sa publiko.
Si Tumlos nagserbisyo bilang alkalde sang Pontevedra, Capiz, kag nagpadayon siya sa pagpanguna sa banwa matapos siya liwat nga ginpili sang mga botante sa eleksiyon sang Mayo 12, 2025.
Suno kay Besa, magapabilin ang pagdumdom sa kontribusyon ni Mayor Tumlos sa iya nga mga nasakupan.
Samtang, nagpahayag man ini sang simpatiya sa kasubo sang pamilya sang alkalde kag ginpasalig nga mapabilin ang ila suod nga pag-abyanay.
