ROXAS CITY – Indi pa mapat-od sang pamunuan sang Panay Island Transport Services Cooperative kun san-o magsugod sa pagbiyahe ang ila mga mini-buses sa siyudad sang Roxas.
Ini ang ginpahayag sang focal person nga si Joe Montanejos sang napakig-angutan sang Bombo Radyo.
Ang nasambit nga mga mini-buses ang may biyahe nga Roxas City Integrated Transport Terminal padulong sa Barangay Dumulog, Libas kag Barra, vice versa.
Suno diri nga sadtong Hunyo 30 pa sila nakakuha sang prangkisa gikan sa Land Tranportation Franchising and Regulatory Board (LTFRB).
May natalana kuntani sila nga dry-run sadtong Hulyo 22 tubtob 24 apang wala man ini nadayon.
Ginpanugyan sila suno diri sang gobyerno sang siyudad nga maghulat para sa patigayunon nga press conference antes makasugod sa pagbiyahe sang ila nga mini buses.
