ROXAS CITY – Nagapati si Panay Mayor Vicente ‘Vic’ Bermejo nga mapapasar sang mga katapo sang Sangguniang Bayan (SB) members ang ila pondo subong nga 2022.
Sa interview sang Bombo Radyo kay Mayor Bermejo, ginpahayag sini nga nagpadala na ini sang budget proposal tagged as urgent sa ila Sanggunian, kag natalana ang session subong nga Miyerkules.
Gin-isa-isa man sini tawag ang mga department heads para sa konsultasyon sang ila tagsa-tagsa nga pondo.
Dugang pa sini nga may gamay nga rebisyun sa pondo sa nagligad nga administrasyon, apang wala sini gintandog ang pondo sang Executive kag legislative department.
Sa pihak nga bahin, ginpakigbahin ni Bermejo, nga sandig sa ila budget officer, mataas ang suweldo sang ila opisyal, kaangay nalang sa iya bilang alkalde kun sa diin may yara ini sang kapin P100,000 nga bulanan nga suweldo, naglahog man ini nga makahuluya kun indi ini magpadulong kada adlaw sa munispiyo bangud sa iya kapin P3k nga adlaw nga ginabaton.
