PANAY CAPIZ – Preparado na ang katapo sang Panay Municipal Police Station para sa palaabuton nga Undas 2024.
Sa interview sang Bombo Radyo sa hepe sang Panay Municipal Police Station nga si PCapt. Ronald Ton-ogan, ginpahayag sini nga magatingub sila sang pwersa kaupod ang mga barangay opisyales agud mapabilin nag kalinong kag katawhay sang tagsa ka mga sementeryo.
Mahibaluan nga may yara sang 5 tanan ka mga sementeryo sa ila banwa ang kinahanglan nila nga bantayan.
Suno kay Ton-ogan, pila sa ila hugot nga ginadumilian sa adlaw sang tigkalalag amu ang mga makahulubog nga ilimnon, dalagko nga mga sounds, kag mga matalum nga bagay.
Kaangut sini, magadesignate man ang hepe sang tig-30 ka mga kapulisan sa kada sementeryo sa adlaw sang Biyernes, Nobyembre 1, 2024.
