Hugot nga pagpangamuyo kag pagsalig sa kaugalingon ang nangin liyabe agud mapabilin nga positibo sa tion sang pagreview kag makafocus sa pagkuha sang exam.
Sa interview sang Bombo Radyo kay Hengen Casimero Distor, nga taga-Cuatero, Capiz, iya ginpahayag nga daku ang pagpasalamat sini bangud sa ikatatlo nga beses nga pagkuha sang exam, natigayon nga makapasar na ini.
Suno kay Distor, dako nga bulig nga makaupod ang iya mga abyan kag pamilya sa tion sang iya nga pagreview naga naga-motivate sa iya nga malab-ot ang goal sini nga makapasar.
Pahayag pa niya, nga kaangay man sang iban nga mga examinees nakabatyag ini sang pressure sa kaugalingon kag madamo nga mga pamangkot ang nagasulod sa iya pinsar sa tion nga mapaslawan nga makapasar.
Apang sa pihak sini tanan, wala ini nangin upang agud magtimakas siya kag pamatud-an nga indi mausik ang tanan nga iya ginsakripisyo, ginpulawan subong man ang ginhatag nga suporta kag pinansyal sang iya pamilya.
