ROXAS CITY – Arestado ang isa ka 30 anyos nga drug suspek sa ginkasa nga drug buybust operation sang gintingub nga puwersa sang Pontevedra, President Roxas kag Pilar Municipal Police Station kaupod ang Provincial Drug Enforcement Unit (PDEU) sang Capiz Police Provincial Office sa Sitio Esperanza, Barangay Binuntucan, Pontevedra, Capiz.
Ginkilala ang nadakpan nga si Elviro Culasino, sang Barangay Quiajo, President Roxas Capiz.
Suno kay Punong Barangay Alfonso Buboy Dilla nga bag-o lamang nila nakita ang amo nga suspek kag wala ini malakip drug watchlist sang ila barangay.
Suno naman sa PDEU nga madugay na nila nga ginamonitor ang amo nga suspek antes ginkasa ang nasambit nga operasyon.
Narekober naman sa posesyon sang suspek ang 12 ka sachets sang ginapatihan shabu nga may market value nga P6,000 kag mga drug paraphernalia.
Sa karon, yara nasa kustodiya sang Pontevedra PNP si Culasino kag natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
