Luyag paimbestigaran ni anay Senator Francis Pangilinan ang madata nga mga scalpers sang mga concert tickets.
Sa social media account sini, ginhalimbawa ang nakatalana nga “Welcome Back” reunion tour sang Korean group nga 2NE1.
Pagahiwaton suno diri ang nasambit nga konsiyerto sa Nobyembre 16 kag 17 sa Mall of Asia Arena.
Ginpahayag sini nga madasig naubos ang tickets bangud ini ang ginbaligya online.
Dugang pa sini nga bangud sa online na ang baligyaanay sang tickets, indi malikawan nga may pila ka nagagamit sang mga bot kag artificial intelligence.
Pila sa mga scalpers ang nagabaligya sang P38,000 tubtob P40,000 ang tickets apisar ini ang VIP, nagabalor lamang sang P16,500.
Una na nga nag-angkon sang reklamo ang pila ka mga online ticketing service sadtong nag-concert sa pungsod si Olivia Rodrigo nga madasig ini nga naubos apang madamo ang nagbaligya sang tickets nga naglab-ot sa P10,000 tubtob P23,000 apisar ang balor sang tickets ang P1,500.
Apisar ang mga syudad sang Pasay, Quezon kag San Juan ang may ara sang ordinansa, kinahanglan nga mas mabug-at nga layi ini sa pungsod.
