Nagpanindugan ang Malakanyang nga indi magapatawag si Pangulong Ferdinand Marcos Jr. sang special session sa Kongreso para sa impeachment trial ni Vice-President Sara Duterte.
Suno kay Presidential Communications Office Undersecretary kag Palace Press Officer Claire Castro, mas makapaayo kung hinyuon sang Senado sa Pangulo nga magapatawag sang special session.
Apisar nga yara sa Konstitusyon suno diri ang Presidente mahimo nga magpatawag sang special session anu man nga oras, kag may gray area naman ini suno diri angut sa impeachment proceedings sa ginapahayag mahimo nga magpadayon ang impeachment proceedings apisar nga naka-recess ang kongreso.
Bangud diri, indi lamang limitado kung may urgency angut sa bills ukon legislation kundi mangin sa impeachment trials.
Mahibaluan nga nagapangatubang sa karun ang Bise Presidente sa impeachment complaint bangud sa kwestyunable nga paggastos sa pondo sang publiko kag pagpamahig nga ipapatay sanday Pangulong Marcos, First Lady Liza Marcos kag House Speaker Martin Romualdez.
