Panibag-o nga aviation incident, nagluntad sa Philadelphia; anom patay

PHILADELPHIA – Isa na naman ka aviation incident ang ginkakibot sang kadam-an sa Estados Unidos subong nga adlaw.

Ini matapos nga nagtibusok ang isa ka magamay nga eroplano sa Northeast Philadelphia.

Sa inisyal nga report, anom ang nabalhag nga napatay.

Duha sa mga biktima ang sakay sang private plane, samtang apat naman ang gikan sa lugar nga ginluntaran sang plane crash.

Gintumod sang mga otoridad nga ang nagtibusok nga eroplano ang isa ka medical air ambulance.

Padayon pa sa karon nga ginaimbestigaran ang nasambit nga insidente.