Nag-abot na sa Pilipinas ang panibag-o nga batch sang mga Overseas Filipino Workers (OFW) halin sa Lebanon.
Suno sa Overseas Workers Welfare Administration (OWWA), 19 ka Pinoy workers ang nag-abot, kahapon sang aga(Dec. 13) sa Ninoy Aquino International Airport nga ginsugat naman sang mga personnel sini.
Kaupod man sa mga nagsugata sa mga repatriate ang mga kinatawan sang Department of Migrant Workers (DMW), Department of Social Welfare and Development – DSWD, kag Medical Team sang NAIA.
Ang mga ini ang nag-avail sang Voluntary Repatriation Program nga gin-alok sang gobyerno sa mga OFW sa nasambit nga pungsod.
Gilayon naman sila nga nakabaton sang bulig-pinansyal, food kag transportation assistance, kag hotel accommodation. Ang dugang pa nga bulig ang igahatag man sa ila sa mga masunod nga adlaw.
