ROXAS CITY – Panibag-o nga batch sang mga OFW repatriates ang nag-abot sa syudad sang Roxas kag probinsiya sang Capiz kaina sang aga.
Ginpahayag ni Judy Grace Pelaez, Provincial Disaster Risk Reduction and Management Officer nga ikawalo na ini nga batch sang mga OFW repatriates nga nakaabot sa probinsiya matapos nga nastranded sa Metro Manila.
Sa 20 ka nag-abot nga OFWs, lima ang sa Roxas City, 4 sa Pontevedra, tag duha sa Cuartero, Pontevedra kag tag isa sa Ivisan, Dumarao, Dao, Jamindan, Dumalag kag Tapaz.
Suno kay Pelaez nga posible may yara pa sang maga-alabutan nga mga repatriates antes magtakup ang ini nga semana.
Ginpabutyag pa sini nga natigayon man nga ma-akomodar sa natungdan nga mga quarantine facility sa kabanwahanan ang mga OFW repatriates.
Samtang pananglitan nga magguwa nga negatibo ang resulta sang RT-PCR test sang mga OFW repatriates nakasugtan nga kinahanglan nila nga tapuson ang 14-day quarantine apang may option nga mahimo ang home quarantine apang nagadepende ini sa assestment sang municipal health officer.
Kun madamo na ang mga repatriates sa facilidad diri na magasulod ang assestment kag discretion sang LGU kun sin-o ang ila nga hatagan sang prayoridad.
