Lauman ang panibag-o nga pagsaka sang presyo sa mga produkto nga petrolyo sa masunod nga semana, suno sa Department of Energy (DOE).
Yari ang ginalauman nga dugang-presyo:
Gasolina: P0.15 tubtob P0.60 kada litro
Diesel: P0.50 tubtob P0.90 kada litro
Kerosene: P0.25 tubtob P0.40 kada litro
Pila sa mg nagapanguna nga factor nga nagaduso sa pagtaas sang presyo amo ang padayon nga tensyon sa tunga sang Russia kag Ukraine, isyu sa US-Iran Nuclear Deal, kag ang pagka-delay sa produksiyon sang langis sa Canada tuga sang mga wildfire. Magluwas sini, gin-report nga mas daku kaysa ginalauman ang pagbuhin sa imbentaryo sang crude oil sa Estados Unidos, nga nagaapekto man sa presyo.
Tradisyunal nga ginaanunsyo sang mga kumpanya sang langis ang ila nga price adjustments kada Lunes, kag ginapatuman ini pagkasunod nga adlaw.
Sang nagligad nga Martes, nagsaka ang presyo sang gasolina sa P0.40 kada litro kag diesel sang P0.30, nagnubo naman ang presyo sang kerosene sang P0.10 kada litro.
Padayon nga gina-monitor sang DOE ang sitwasyon kag ginaganyat ang publiko nga mangin maalam sa pagkonsumo sang enerhiya.
