Atensyon sa mga motorista!
Lauman ang panibag-o nga pagtaas sa presyo sang mga produktong petrolyo nga posible ipatuman sa masunod nga seman.
Suno kay Rodela Romero, Assistant Director ng Oil Industry Management Bureau (OIMB) ng DOE, ginalauman nga magasaka ang presyo sang gasolina, diesel, kag kerosene sa mga masunod nga adlaw, base sa apat ka adlaw sang trading data.
Kalakip sa mga rason sang ginalauman nga pagsaka sang presyo sang gatong amo ang pagpabilin nga mapag-on sang OPEC sa ila nga forecast sa oil demand growth, kag ang mga huring-huring nga mahimo nga pahinayon sang mga polisa ni US President Donald Trump sa taripa ang pangkalibutanon nga pagdabong sang ekonomiya kag enerhiya.
Base sa forecast sang oil industry sources gamit ang Mean of Platts Singapore (MOPS) average, posible nga magtaas ang presyo sang diesel halin P0.70 tubtob P0.90 kada litro, samtang ang gasolina ang posible nga magsaka sa P0.30 tubtob P0.50 kada litro.
Kinaandan nga ginaanunsyo sang mga kumpanya sang langis ang mga bag-o nga price adjustment kada Lunes, nga gilayon naman nga ginapatuman sa masunod nga adlaw.
Satong Martes, Hulyo 15, 2025, nagpatuman na sang dugang nga presyo ang mga kumpanya sang langis: P0.70 kada litro sa gasolina, P1.40 sa diesel, kag P0.80 sa kerosene.
Sa kabug-usan, naglab-ot na sa P9 ang gintaas sang presyo sang gasolina subong nga tuig, samtang P11.35 naman para sa diesel, kag P1.85 para sa kerosene.