Liwat nga nag-init ang tension sa tunga nanday US President Donald Trump kag Pope Leo XIV matapos nga ginbanatan sang presidente ang Santo Papa sa social media, nga ginatawag ini nga “hyper-liberal partisan” kag ginakwestyon ang iya kredibilidad bilang isa ka Santo Papa.
Nag-ugat ang pagbinaisay sa magkatuhay nga pagpati nila nahanungod sa inaway sa tunga sang Estados Unidos kag Israel batok sa Iran, nga temporaryo nga ginpauntat sang isa ka “fragile ceasefire.”
Ginpakigbahin ni Trump ang ginaalegar daan nga mga pahayag sang Santo Papa antes siya napilian, gamit ang pangalan nga Robert Prevost, sa diin ginapahayag nga kritiko siya sa polisa nga “America First” kag sa mga panindugan nanday Trump kag JD Vance, ilabi na sa isyu sang immigration kag gun control.
Wala direkta nga nagsabat si Pope Leo sa bag-o nga mga akusasyon, apang matandaan nga una a nia nga ginpakamalaut ang inaway, nga ginatawag ini nga “atrocious” kag “inhuman.”
Samtang, ginhatagan pagtamod ni U.S. VP JD Vance nga dapat mangin mahinalungon ang Santo Papa sa iya mga pahayag angut sa mga isyu may kaangtanan sa giyera.
