Nagpagkit sang record sa kasaysayan sang hotdog eating contest si Miki Sudo.
Mahibaluan nga ang dental hygiene student ang nagikan sa Florida ginkilala nga kampeon sa tuigan nga Nathans’ Fourth of July Hotdog Eating Contest sa Coney Island.
Nakaubos ini sang 51 hots dogs sa sulod lamang sang 10 minutos.
Nalapawan sini ang iya anay record nga nakaubos sang 48 kag tunga ang iya nakaon.
Nagpangaduwa sa iya Mayori Ebihara sang Japan nga nakaubos sang 37 hot dogs sa sulod sang 10 minuto kung sa diin siya man ang second runner up sadtong nakaligad nga tuig.
Nag-angkon naman sang bag-o nga kampeon sa men’s division pinaagi kay Patrick Bertoletti nga nakaubos sang 58 hot dogs.
Nalapawan sini ang iya anay record nga 55 hot dogs.
Nangin hugot ang paindisanay sa iya ni James Webb sang Australia kag Geoff Esper agud makuha ang $10,000 nga cash prize.
Nagpangaduha si Esper nga nakaubos sang 53 hot dogs.
Samtang, wala naman nagpakigbahin ang 16-time champion nga si Joey Chestnut nga nagikan sa El Paso, Texas matapos nga kakason siya bangud sa pagpirma sang kontrata sa iban nga produkto.
