Temporaryo nga ginsarado ang Panitan public market tobtob subong nga adlaw Biyernes, Hunyo 4, 2021, para mapatigayon ang disinfection, matapos pila ka mga vendors ang nagpositibo sa COVID-19.
Ginpahayag ni Mark Jay Dumol, head sang Municipal Disaster Risk Reduction and Management Office (MDRRMO) katuyuan sang pagpasarado sa nasambit nga merkado publiko nga mapatigayon ang disinfection agud malikawan ang paglapta sang nasambit nga virus.
May tatlo ka mga napatay nga COVID-19 positive nga naga-estar malapit sa merkado gani ginpakamaayo nga temporaryo ini nga saraduhan.
Ginpaidalum na sa swab test ang mga naka-close contact sang mga nagpositibo sa amo nga balatian.
Samtang suno kay Dumol nga gindula sa karon ang market day kada Miyerkules kag Domingo nga adlaw.
Kasunod sa pagbukas sang merkado sa Sabado nga adlaw, Hunyo 5, 2021, istrikto nga ipatuman ang no face mask no face shield entry sa public market.
Ginarequire ang mga vendors nga magsuksok sang face mask kag face shield bangud may yara sang penalidad sa sin-o man nga maglapas sa pagsulundan.
