Ginpangabay sang administrasyon ni Presidente Ferdinand Marcos Jr. ang kabug-usan nga P643.95 bilyon nga national budget para sa Department of Public Works and Highways ukon DPWH sa masunod nga tuig 2027.
Mas mataas ini sang 21.29 porsyento ukon yara sa P113.05 bilyon kumpara sa P530.90 bilyon nga pondo sang ahensya sini nga 2026.
Suno sa Department of Budget and Management ukon DBM, daku nga bahin sang dugang nga pondo ang igahatag sa nagapadayon nga Infrastructure Flagship Projects nga ginapondohan sang lokal kag mga foreign institutions.
Lakip sa mga proyekto nga makabenepisyo sa dugang nga pondo ang Laguna Lakeshore Road Network, Bataan-Cavite Interlink Bridge, Davao City Bypass, Cebu-Mactan Bridge and Coastal Road, kag Pasig-Marikina River Channel Improvement Project Phase IV.
Ginapaabot nga ang pagpasanyog sang infrastructure spending makahatag sang dugang nga trabaho, makabuhin sang plete kag gasto sa pagbiyahe, makapaayo sang koneksyon sang nagkalain-lain nga rehiyon, kag makapadasig sang pagdaku sang ekonomiya sang pungsod.
