Ginaduso sang isa ka mamalidha ang panukala nga libre nga tuition para sa mga government employees nga luyag magtinguha sang pag-eskwela sang master’s degree ilabi na ang mga public school teachers agud ma-promote ang mga ini sa idalom sang Department of Education (DepEd)’s expanded career progression system.
Ang nasambit nga panukala ang House Bill 8834 ang gin-file ni Rep. Brian Raymund Yamsuan.
Ang HB 8834 or the proposed Free Master’s Degree Tuition for Government Employees Act.
Sakop sini ang career and non-career workers nga yara sa public sector nga mag-enroll sa state universities and colleges (SUCs) para kumpletuhon ang ila graduate studies.
“Under the implementing rules and regulations (IRR) of the expanded career progression system for public school teachers signed by DepEd Secretary Sonny Angara, the promotion process for public school teachers would now be faster because they can now choose to either continue teaching or move to administrative roles, unlike before when their only option was the latter . But these higher positions require them to pursue or complete a master’s degree, which many of them cannot afford,” pahayag ni Yamsuan.
Nag-apela si Yamsuan sa mga mamalidha nga aprubahan na ang panukala nga batas agud makabulig ini sa mga linibo nga mga manunudlo nga luyag i-pursue ang ila pag-eskwela.
Sa idalom sang IRR para sa career progression system sang mga manunudlo sa pampubliko nga buluthuan nga naka-state sa Executive Order 174, ang base sang sistema nga karera sang mga manunudlo sa pampubliko nga buluthuan ang ilakip ang dugang nga mga posisyon sa pagtudlo sang Teachers IV tubtob sa VII.
Ang mga posisyon sang Master Teacher I tubtob IV ang magabuo sa Classroom Teaching Career Line kag igalakip ang dugang nga posisyon sang Master Teacher V.
Samtang, ang School Administration Career Line naman ang ginakalakipan sa mga posisyon sang School Principal I tubtob sa IV.
Ang mga linya nga karera nga ini ang nagakinahanglan sang dugang nga mga yunit sang akademiko sa isa ka master’s degree ukon ang pagkumpleto sang master’s degree.
Sa idalom sang panukala nga batas, ang libre nga matrikula sa master’s program nga maximum sang duha ka tuig sa anuman nga SUC kun sa diin madinalag-on nga nagahinyo sang pagpasulod ang empleyado sang gobyerno.
Suno kay Yamsuan, mga empleyado sang gobyerno nga nahatagan na sang anuman nga graduate education scholarship nga ginataguyod sang estado, pampubliko man ukon pribado, diri sa Pilipinas ukon sa iban nga pungsod; ang may nakabinbin nga kaso nga administratibo nga ginakaulamiran sang malala nga pagkasala; kag ang mga indi magsunod sa admission kag retention policies sang SUC ang indi dapat mag avail sang libre nga matrikula sa idalom sang panukalang batas.
