PAOCC, nagpaandam batuk sa mga online lending app

Nagpaandam ang Presidential Anti-Organized Crime Commission (PAOCC) sa publiko nga indi gilayon magpati sa mga alok nagikan sa online lending apps.

Suno kay PAOCC Executive Director Gilbert Cruz nga ang isa sa mga ginatawag nga red flags amo ang madasig nga pag-apruba sang loans.

Dapat man nga panumdumon sang publiko nga ang pag-loan ang kinahanglan magpangita sang madamo nga dokumento kag indi ang pagpangayo sang social media.

Pila sa mga paborito nga target sa karon sang mga online lenders ang mga empleyado sang gobyerno kag mga manunudlo.

Ginganyat sini ang publiko nga gilayon nga i-report sa ila ang anuman nga balita nga pag-abuso sang mga online lending company kaangay sang pagpamahog sa kabuhi kun indi nakabayad sa tama nga oras.