Nagdepensa si Davao First District Representative Paolo Duterte may kaangtanan sa reklamo nga ginpasaka sa Ombudsman ni ACT Teachers Party-list Representative Antonio Tinio bahin sa ginapahayag nga iregularidad sa mga flood control projects sa Davao City.
Ang reklamo naga-angot sa 121 ka proyekto nga nagabalor sang P4.4 bilyon halin 2019 tubtob 2022. Suno kay Duterte, dapat man imbistigahan ang mga engineer, contractor kag iban pa nga opisyal nga posible may kahilabtanan sa mga proyekto, kag indi lamang siya ang sentro sang reklamo.
Ginbatikos man niya si Tinio kag ginpahanumdom nga dapat magpokus ang ACT Teachers Party-list sa edukasyon, benepisyo sang mga maestro kag palaabuton sang mga estudyante. Suno pa sa kongresista, posible nga nalipatan na sang party-list ang ila orihinal nga mandato
