Ginpanindugan ni former Ako Bicol Partylist Representative Zaldy Co nga siya kag ang iya mga tinawo mismo ang nagadul-ong sang kwarta sa balay sang magpakaisa nga President Ferdinand “Bongbong” Marcos Jr. kag former House Speaker Martin Romualdez sa North Forbes Park, South Forbes Park, kag bisan sa Malacañang.
Ginpakita man sini ang mga litrato sang maleta nga ila gindeliver, kalakip ang petsa kun san-o ini gindul-ong.
Sa nauna nga bahin sang iya video message, ginbuyagyag ni Co ang gina-alegar nga mga maanomaliya nga flood control projects kag iban pa nga mga proyekto sa imprastraktura, nga ginasiling nga nagadalahig sang dalagku nga mga budget insertions.
Ginpanindugan ni Co nga wala ini sang nabatun gikan sa ginapahayag P100 billion insertions bangod tanan nga pondo ang nagkadto sa magpakaisa.
Ginhangkat man sini si Ombudsman Boying Remulla nga imbestigahan si Romualdez, samtang pangabay sini sa Senado nga tsekyaron ang P100 billion insertion sang Presidente.
