ROXAS CITY – May yara na sang partial result sa kapin 196 ka mga BFP personnel nga ginpaidalum sa Real Time Polymerase Chain Reaction (RT-PCR) test nga kalakip sa na-contact trace nga nakaangkon sang close contact sa isa ka opisyal sang BFP nga nagpositibo sa COVID-19.
Ginpahayag ni Fire Senior Inspector Stephen Jardeleza, spokesperson sang BFP Region-6 nga sa nasambit nga numero 29 ang nagguwa nga negatibo ang resulta sang RT-PCR test kag kalakip diri ang BFP personnel sa Capiz.
Ginahulat man sa karon sang talatapan ang panugyan ukon rekomendasyon sang mga health officers sa Iloilo kasunod sang negative result sa nasambit nga test.
Natigayon man nga mapadala sa natungdan nga mga personnel sang BFP ang resulta sang ila nga test.
Suno pa sa opisyal nga indi pa operational ang talatapan sa Iloilo bangud kadam-an nga mga personnel ang naka-quarantine pa.
Nahibaluan nga confine karon sa ospital sa Iloilo ang BFP officer nga nagpositibo sa COVID-19.
