Wala nagpakita ang babaye nga ginapahayag ginbastos sang isa ka tricycle driver sa syudad sang Roxas sang ini ang ginpatawag sang Punong Barangay sang Barangay X, syudad sang Roxas.
Suno kay Punong Barangay Arturo Aragon sang Cagay, Roxas City, ginpahayag nga personal nga nagpadulong sa Barangay X si alyas “Rolly”, yara sa legal nga pang-edaron, ginareklamo, kag residente sang Barangay Cagay sining syudad upod ang iya sini ginikanan agud kuntani makighinun-anon sa bahin sang babaye nga ginapahayag ginbastos sini samtang nagasakay sa iya nga tricycle.
Sandig sa pagpangusisa ni PB Aragon sa pamilya, ginsiling nga wala nagpakita ang babaye sa Barangay X agud nga makighinun-anon.
Mahibaluan, nga temporaryo nga nagapuyo sa Barangay X ang amu nga babaye kag ginapahayag nga ini ang tumandok sang banwa sang Ivisan.
Samtang, mensahe naman ni PB Aragon sa babaye nga kuntani magpadulong sa ila sini nga talatapan kag makighinun-anon agud nga matumod kun ano ang kamatuuran kag mahatagan sang nagakaigo nga igtalupangod kag indi lamang magpost sa social media.
