ROXAS CITY CAPIZ – Mahina ang lakat sang pasahero subong nga holiday season, kung ikumparar sadtong tinalikdan nga tuig.
Sa interview sang Bombo Radyo sa driver nga si Mr. Ivan Alado may byahe Roxas-Estancia vice versa, ginpahayag sini nga subong nga nagahilapit na ang pagsug-alaw sang Bag-ong Tuig tama-tama lamang ang pasahero apang matumal ilabi na kung maulan ang tyempo.
Suno diri, kung ikumparar subong kag sadtong tinalikdan nga tuig dako ang deperensya bangud sadto anay madamo na ang pasahero pagsugod pa lamang Disyembre 20 indi kaangay subong.
Wala naman nagalayo ang nangin pahayag ni Mr. Mario Jerson Navarro dispatcher may kaangtanan sa lakat sang pasaheo subong apang ginpasiguro sini nga padayon ang ila pagbyahe apisar sa adlaw sang Bag-ong Tuig.
