Nagtaas ang numero sang mga pasahero sa Ninoy Aquino International Airport (NAIA) sang 15.82% ukon kabaylo sa 13.03 million sa first quarter sang tuig kadungan sang pag-umwad sa domestic travel.
Base sa pahayag sang Manila International Airport Authority (MIAA), ang domestic passenger volume nagtaas sang 8.32% year on year ukon kabaylo sa 6.90 million sa una nga tatlo ka bulan sang tuig kung sa diin nagtaas naman ang International Passenger Traffic sang 4.07% ukon kabaylo sa 6.13 million.
Sumugod Enero tubtob Marso, ang Manila International Airport Authority (MIAA) nakapagkit sang 73,098 flights, kung sa diin nagtaas sang 0.84% kung ikumpara sadtong tinalikdan nga tuig.
Nalapawan sang passenger traffic tally para sa first quarter ang pre-pandemic total nga 11.62 million sa una nga tatlo ka bulan sang 2019.
Pahayag sang ahensya nga ginalauman sini ang pagsaka sang numero sang mga pasahero sa main gateway tubtob 30% subong nga tuig bangud sa nagadako nga travel demand.
Sa madumduman sadtong 2024, ang Ninoy Aquino International Airport (NAIA) nakapagkit sang passenger volume nga 50.26 million, nagtaas sang 10.9% – mas mataas sang 4.9% ikumpara sa kabug-usan nga book sa katapusan nga pre-pandemic year.
