Pasahero sa terminal nag-alegar ginsita kag ginmulay sang driver sang colorum nga van

ROXAS CITY – Nagpadangat sang reklamo sa istasyon sang pulisya ang 49-anyos nga pasahero bangud sa ginaalegar pagmulay kag pagpamahog sa iya sang driver sang colorum nga van sa Roxas City Integrated Transport Terminal.

Ba-se sa alegasyon ni Ronald Angeles sang Barangay San Esteban, Pilar, Capiz nagapungko ini sa terminal sang ginpalapitan sang driver nga si Pedro Sevilla alyas Boboy Lais sang Barangay Loctugan, Roxas City kasunod ang pagsita nga indi pagkuhaan sang video ang ginahimo nga pagpapanaug sang mga pasahero.

Apang sa pihak sang pagpaathag sang tagreklamo nga wala ini nagakuha sang video, ginkaakig pa ini sang driver kasunod ang ginaalegar pagmulay kag pagpahog sa iya.