Ginkanselar sang Pasig City Regional Trial Court ang passports nanday anay presidential spokesperson Harry Roque kag Katherine Cassandra Li Ong.
Magluwas sa duha, ginkanselar man sang Pasig RTC 157 ang mga pasaporte sang mga anay Technology Resource Center executives nga sanday Dennis Cunanan, Ronelyn Baterna, kag Mercides Macabasa.
Nagapangatubang ang mga ini sang kaso nga human trafficking bangud sa ila ginaalegar kahilabtanan sa Philippine Offshore Gaming Operator (Pogo) hub Lucky South 99 kag Whirlwind Corporation.
Ginpamatukan ni Roque ang lihok nga kanselahon ang iya passport bangud indi ini fugitive.
Ginpanindugan sini nga ang mga fugitive amo ang mga nagapalagyo matapos ma-convict agud malikawan nga masilutan ukon mapasakaan sang kaso sa korte kag agud malikawan nga mapasakaan sang kaso.
Nagpasugot ang korte nga indi fugitive si Roque antes ini nagbiyahe sa luwas sang pungsod kag wala ginpasakaan sang kaso.
Apang, ang iya paghalin nga nakahibalo nga may ginahanda nga kaso isa ka maathag nga paglikaw.
Wala naman makit-an sanday Ong kag Cunanan sa ila mga address kun sa diin makabig sila nga fugitives.
Nagpaguwa man sang hold departure order ang korte sa mga masunod nga indibidwal nga sanday Ong, Baterna, Cunanan, Norman Macapagal, Stephanie Mascareñas, Michael Mascareñas, Rodrigo Bande, Lowe Yambao, Jessie Rallos, Josefine Mascareñas, Haidee Uy, Niña Myra Cervantes, Sam Syndey, Ramond, Gonancell, Daniel Gonacell. Alejandre, Crispin Medina, Renato Bautista, Wharman Mariano, Chris Jude Flores, Allan Salvador, Marlon Funcion, Giorgia Salvador, Mark Anthony Salvador, Mercides Macabasa kag Ley Tan.
