ROXAS CITY – Dismayado nga nagpadulong sa Roxas Component City Police Station ang 23-anyos nga lalaki matapos na ginpalagyuhan ini sang babayi nga iya ginbayaran nga magapalipay kuntani sa iya kagab-i sang Martes.
Sa interview sang Bombo Radyo kay ‘Ryan’ ginsaysay sini nga kagab-i nadesisyunan niya nga magkuha sang babayi sa may bahin sang Brgy. IV, sini nga syudad, diri kag may nagtan-ay sa iya nga miyembro sang Lesbian, Gay, Bisexual,
Transgender, and Queer (LGBTQ) nga kuhaon si alyas ‘Dianne’ isa ka ‘Guest Relations Officer’ (G.R.O.).
Dugang pa ni ‘Ryan’ nga nagbayad ini sang P600 sa Agi nga nag-offer sa iya kay ‘Dianne’ magluwas pa sang P160 nga bayad sa kuwarto.
Apang, suno pa sa soltero nga nagdugay lang ang ila pag-istoryahanay sang babayi wala gid ini ‘nagpa-skor’.
Tubtob nga sang nakaguwa ini agud magbakal sang dugang nga ilimnon, nakit-an nalang sini si ‘Dianne’ nga nagsakay sa isa ka motorsiklo ka gintinguhaan pa sini nga lagson.
Ginapatihan sini nga wala makahibalo ang babayi nga nakabayad na ini sang P600 para sa iya serbisyo.
Sang ulihi, nakit-an ni ‘Ryan’ ang Agi nga nagkuha sang iya bayad kag ginbawi ang amu nga kantidad, apang natalupangdan sini nga wala na ang iya cellphone nagabalor sa P5K nga ginbutang sini sa toolbox sang iya motorsiklo.
Siling ni ‘Ryan’ na love at first kuntani ini sa babayi.
Pahayag man sini nga kun sin-o ang nagkuha sang iya cellphone, paskwa nalang atu sang soltero.
