-- ADVERTISEMENT --
Ginpailalom sa state of calamity ang Passi City bangud sa nagataas nga kaso sang Red-Striped Soft Scale Insect (RSSI) nga nagapang-atake sa mga tanom nga tubo sa syudad.
Sa interview sang Bombo Radyo kay Passi City Mayor Atty. Stephen Palmares, iya ginpahayag nga yara na sa 65% sang mga tanom nga tubo ang apektado sang RSSI.
Suno kay Palmares, 3,136 ka mga mangunguma ang apektado katumbas ini sang 49 sa 51 ka barangay sang Passi City.
Dugang pa sang alkalde, padayon ang information dissemination sang local government unit sa mga mangunguma agud mapunggan kag matapna ang paglapta sang RSSI sa mga tanom nga tubo.
